Пайдаланушы шарттары

Соңғы жаңарту: 4 қараша 2026

1. Қызмет туралы

QoldauApp стримерлерге донат хабарламаларын (алерт, виджет, мақсат, статистика) эфирде көрсетуге көмектеседі. Қызмет «қалай бар, солай» беріледі, үзіліссіз жұмысына кепілдік жоқ.

2. Аккаунт

• Тіркелуде дұрыс пошта, ник және өз стрим парақшаңның сілтемесін көрсетуің керек.
• Аккаунт қауіпсіздігіне (құпиясөз, 2FA) өзің жауаптысың. Сілтемелерді (оверлей, телефон) бөтен адамға берме.
• Бір адамға бір аккаунт ұсынылады.

3. Ақша және банк

QoldauApp донат төлемдерін қабылдамайды және өңдемейді. Донаттар тікелей сенің банк шотыңа түседі. Банк ережелері мен салық міндеттемелері үшін өзің жауап бересің. Қызмет банктің ресми өнімі емес және онымен байланысты емес. Банк хабарлама форматын өзгертсе, қызмет уақытша дұрыс жұмыс істемеуі мүмкін.

4. Тариф және төлем

Қызмет алғашында 7 күн тегін сынақпен беріледі, одан кейін ақылы тарифтермен (баға мен мерзімдер «Төлем» бетінде көрсетіледі). Төлем Kaspi арқылы аударым ретінде, жеке код көрсетіліп жасалады, мерзім төлем түскен соң ұзарады. Мерзім біткенде алерттер мен телефон сілтемесі тоқтайды, деректер сақталады. Пайдаланылған мерзім үшін төлем қайтарылмайды. Қызмет көрсетілмей қалса не төлем есепке алынбаса, қолдау қызметіне жаз, мәселені қарап шығамыз.

5. Контент

Жүктеген файлдар мен эфирде көрсетілетін мәтін үшін өзің жауаптысың. Заңсыз, қорлайтын, зорлық-зомбылыққа шақыратын, сенің құқығың жоқ материалдарды жүктеуге болмайды. Донат комментарийлерін сүзгілеу құралдары (тыйым салынған сөздер) бар, бірақ толық сүзгіге кепілдік жоқ.

6. Тыйым салынады

• Қызметті бұзуға, шамадан тыс жүктеуге, бөтен аккаунттарға қол жеткізуге әрекет жасау.
• Автоматты жаппай тіркелу.
• Қызметті алдау немесе заңсыз әрекет үшін қолдану.

7. Бұғаттау

Ережелер бұзылса немесе қауіпсіздікке қауіп төнсе, әкімшілік аккаунтты уақытша бұғаттауға немесе өшіруге құқылы.

8. Жауапкершілік шегі

Қызмет ақаулары, үзілістер, деректердің жоғалуы (мысалы, хостингтегі сәтсіздік) немесе донат хабарламасының көрсетілмей қалуы салдарынан келген шығын үшін заң рұқсат еткен шекте жауап бермейміз. Маңызды деректеріңнің көшірмесін (CSV) уақытында сақтап отыр.

9. Құпиялық

Деректермен жұмыс Құпиялық саясатында сипатталған.

10. Өзгерістер

Шарттар жаңарса, осы бетте көрсетіледі. Қызметті пайдалануды жалғастыру жаңа шарттармен келісуді білдіреді.

Байланыс: qoldauapp@proton.me